Mwekezaji wa klabu ya Simba Bilionea Mohammed Dewji ‘Mo’ akiwa nchini Ureno alitembelea kitua cha kulelea vipaji cha klabu ya Porto Fc

Ziara yake hiyo ilikuwa mahsusi kwa ajili ya kutafuta fursa ya ushirikiano baina ya klabu ya Porto Fc na Simba

“Jana nilipata nafasi nzuri ya kujifunza nilipoitembelea @FCPorto ambapo niliweza kujua fursa za ushirikiano kwa kituo cha kukuzia vipaji cha Simba huko mbeleni,” amebainisha Mo

“Tuna mengi ya kujifunza na kupata kutokana na uzoefu wa Porto FC. Natarajia kuimarisha mazungumzo yetu hivi karibuni”

Hii ni habari njema kwa Simba ambayo ina mipango ya kujenga mifumo imara itakayoinufaisha klabu hiyo siku za mbeleni

Katika michezo ya hivi karibuni, Zana aliyetua Simba wakati wa usajili wa dirisha dogo, ameonekana kutotimiza vyema majukumu yake katika ulinzi

Na hiyo imekuwa sababu ya mashabiki wengi wa Simba kuulizia hali ya Shomari Kapombe ambaye licha ya kuanza mazoezi mepesi, kuna uwezekano mdogo kwake kurejea dimbani msimu huu kutokana na muda uliobaki kuwa mdogo kabla ya ligi kumalizika

Katika mchezo dhidi ya JKT Tanzania, kocha Patrick Aussems alilazimika kumfanyia mabadiliko Zana kwenye kipindi cha pili nafasi yake kuchukuliwa na Nicholas Gyan

Inaelezwa Zana alipata majeraha ya goti

Zana alisajiliwa kuongeza nguzu pembeni baada ya Kapombe kupata majeraha wakati akitimiza majukumu ya timu ya Taifa nchini Afrika Kusini

Hata hivyo Simba huenda ikalazimika kufanya uamuzi mgumu wakati wa usajili kwa kuachana na mmoja kati ya Zana au Gyan anayeonekana kupoteza nafasi katika kikosi cha kwanza

Kocha Mkuu wa timu ya Taifa ya Tanzania ‘Taifa Stars’, Emmanuel Amunike leo ametangaza majina ya wachezaji 40 wanaounda kikosi cha timu ya Taifa ambacho kitashirikia michuano ya AFCON 2019 itakayofanyika mwezi ujao nchini Misri pamoja na michuano ya CHAN inayohusisha wachezaji wa ndani

Katika kikosi hicho, wachezaji wa Simba Aishi Manula, Shomari Kapombe, Mohammed Hussein, Erasto Nyoni, Jonas Mkude na John Bocco wamejumuishwa

Kocha Mkuu wa timu ya Taifa ya Tanzania Emmanuel Amunike ameonyesha imani kwa beki wa Simba Shomari Kapombe baada ya kumjumuisha kwenye kikosi chake cha awali ambacho baadae kitatenganishwa kwa ajili michuano ya AFCON 2019 na michuano ya CHAN inayohusisha wachezaji wa ndani

Kapombe aliumia Afrika Kusini mwezi Novemba mwaka jana wakati akiitumikia timu Taifa.

Amekuwa nje kwa zaidi ya miezi mitano akiuguza majeraha ya goti ambayo yalihitaji kufanyiwa upasuaji

Baada ya kupona majeraha, Kapombe tayari ameanza mazoezi mepesi na inaelezwa ataweza kushiriki michuano ya AFCON itakayofanyika mwezi ujao nchini Misri

Hii ni habari njema kwa Simba ambayo huenda ikamtumia beki huyo mwenye uwezo wa kucheza nafasi zaidi ya moja katika baadhi ya michezo yake ya kumaliza msimu

Mabingwa watetezi ligi kuu ya Tanzania Bara, Simba wanaelekea mkoani Mbeya kuwania alama nyingine sita katika mbio za kutetea ubingwa walioutwaa msimu uliopita

Simba inahitaji kushinda michezo 7 kati ya 10 iliyobaki ili kutetea ubingwa

Habari njema ni kuwa baada ya michezo ya mkoani Mbeya, Simba itarejea jijini Dar es salaam ambako itacheza michezo mitano mfululizo

May 03 itachuana na Mbeya City kwenye uwanja wa Sokoine kisha kurejea katika dimba hilo May 05 kuikabili Tanzania Prisons

Baada ya mchezo huo, Simba itarejea jijini Dar es salaam ambapo May 08 itashuka uwanja wa Uhuru kuikabili Coastal Union kisha kufuatiwa na michezo dhidi ya Kagera Sugar (May 10), Azam Fc (May 13), Mtibwa Sugar (May 16) na Ndanda Fc (May 19) michezo yote ikipigwa uwanja wa Uhuru/Taifa

Simba huenda ikatetea ubingwa wake katika michezo hii saba inayofuata kabla ya kuifuata Singida United May 22. Hata hivyo mchezo dhidi ya Singida huenda ukapangiwa tarehe nyingine kwani May 23 Simba itaecheza na Sevilla mchezo wa Kimataifa wa kirafiki

May 25 SImba itarudi jijini Dar es salaam kucheza na Biashara United kisha kumaliza msimu mkoani Morogoro kwa kuikabili Mtibwa Sugar

Leo mabingwa watetezi ligi kuu ya Tanzania Bara Simba wanashuka kunako uwanja wa Uhuru kuwakabili maafande wa JKT Tanzania katika mchezo ambao utapigwa saa kumi kamili jioni

Mchezo huo awali ulipangwa kufanyika uwanja wa Taifa lakini umehamishwa ili kupisha ukarabati wa uwanja wa Taifa baada ya kumalizika mwa michuano ya AFCON U17

Simba inarejea uwanja wa Uhuru kwa mara ya kwanza msimu huu ikiwa na ‘mfalme’ Emmanuel Okwi ambaye msimu uliopita aliwea rekodi ya kupachika mabao mengi kwenye uwanja huo

Kocha Mkuu wa Simba Patrick Aussems amesema wamedhamiria kushinda michezo yote iliyobaki, wanahitaji kushinda dhidi ya maafande

Katika mchezo wa kwanza uliozikutanisha timu hizo ambao ulipigwa jijini Tanga, Simba iliondoka na ushindi wa mabao 2-0

Bao la dakika za lala salama lililowekwa kambani na kiungo Hassani Dilung ‘HD’ na kuihakikishia Simba ushindi wa bao 1-0 dhidi ya JKT Tanzania, limewavuruga mashabiki wa Yanga ambao wanalalamikia dakika saba za nyongeza zilizoongezwa na mwamuzi Elie Sasie

Mashabiki wa Yanga wamekuwa wakiiombea ‘dua mbaya’ Simba isishinde michezo yake na pengine wao kuwa na nafasi ya kutwaa ubingwa

Msemaji wa Simba Haji Manara amewataka mashabiki hao waache kuingilia kazi za waamuzi

“Ni jambo la ajabu kusema Simba imependelewa kisa mchezo kuongezwa dakika saba. Dakika hufidiwa pale mwamuzi anapoona muda ulipotezwa isivyo uwanjani,” amesema Manara

Aidha Manara amewakumbusha mashabiki wa timu hiyo kuwa hata wao walipocheza na Lipuli Fc na kukubali kipigo cha bao 1-0 mkoani Iringa, waliongezwa dakika saba

Hesabu za Simba zimeendelea kukaa vizuri kuelekea ubingwa wa pili mfululizo baada ya ushindi wa leo

Simba imefikisha alama 72 ikitofautiana na Yanga kwa alama tano tu huku mabingwa hao watetezi wakiwa na michezo mitano ya viporo

Simba iko katika nafasi nzuri ya kutetea ubingwa wake

Simba imeendeleza rekodi yake ya ushindi kwenye ligi kuu ya Tanzania Bara baada ya kuichapa JKT Tanzania bao 1-0 katika mchezo mgumu uliopigwa dimba la Uhuru

Simba ililazimika kusubiri hadi dakika za nyongeza kujipatia bao la ushindi lililowekwa kambani na Hassani Dilunga huku pasi ya bao ikitotewa na Emmanuel Okwi

JKT Tanzania walitoa upinzani mkali kwa mabingwa hao watetezi lakini uzoefu na kujitolea kwa wachezaji kulifanikisha Simba kuchukua alama zote tatu dakika za majeruhi

Ushindi huo unaifanya Simba izidi kuikaribia Yanga baada ya kufikisha alama 72 ikitofautiana kwa alama tano tu na Yanga inayoongoza ligi

Kituo kinachofuata ni Mbeya ambapo May 03 Simba itashuka dimba la Sokoine kuikabili Mbeya City

Mabingwa watetezi ligi kuu ya Tanzania Bara, Simba muda mchache ujao wanashuka kwenye uwanja wa Uhuru kuikabili JKT Tanzania katika mchezo wa ligi kuu ya Tanzania Bara

Hiki hapa kikosi cha Simba kinachoanza mchezo huo;