Dewji amesema Simba ya mwaka huu ni `moto’ na ina uwezo wa kuwang’oa Mazembe kutokana na kuundwa na wachezaji wenye vipaji na ari ya kupata matokeo chanya.

Akizungumza jana mjini Dar es Salaam, Dewji aliyeifikisha Simba fainali za Kombe la Shirikisho Afrika (CAF) mwaka 1993, alisema kitu pekee kinachopaswa kufanywa na wachezaji na viongozi wa Simba ni kuondoa mchecheto wa mchezo na badala yake kuelekeza nguvu katika mchezo wa marudiano

“Ni kweli Mazembe ni timu ngumu na kongwe. Ukiangalia ina historia kubwa Afrika na ndani ya miaka hii kumi tumeshuhudia ikitwaa ubingwa tofauti wa michuano ya CAF mara tano. Ni rekodi bora sana, lakini pamoja na ubora wao, nikiangalia ubora na uthubutu wa wachezaji wa Simba, naona vijana wetu wanaweza kufanya kweli,” Dewji amenukuliwa na Bin Zubeiry

“Wachezaji wa sasa wa Simba nawafananisha na wale wa enzi zile tunafika fainali CAF.

“Walikuwa wanajituma sana uwanjani. Na hawa ukiwaangalia wana kila kitu kinachoweza kuwaduwaza Mazembe kwao.

“Angalia walivyowakimbiza hapa Dar es Salaam, kwa kawaida Mazembe si wa kujiangusha hivyo, lakini uliona katika mchezo wa kwanza, walizidiwa sana ila bahati haikuwa kwa Simba.

“Na hata hao wanaobeza penalti ya John Bocco watambue Simba hii ni moto wa kuotea mbali na usishangae kuona mpira umetangulia Lubumbushi na wachezaji wanakwenda kumalizia kazi ya kuandika historia zaidi kwa soka ya Tanzania,” alisema

Akizungumzia tukio la klabu hiyo kupinga kubadilishiwa mwamuzi wa mchezo wa marudiano dhidi ya Mazembe, alisema jambo hilo litawarejesha mchezoni wachezaji, lakini pia kuongeza umakini wa waamuzi katika mchezo huo.

“Hata kama CAF hawatabadilisha uamuzi huo, mwamuzi aliyepangwa (Janny Sikazwe wa Zambia) atakuwa makini zaidi na kizuri ni kwamba hatataka kuharibu sifa zake zilizomwezesha kuchezesha michuano karibu yote mikubwa duniani.

“Amechezesha Kombe la Dunia mara mbili, Kombe la Mataifa ya Afrika mara mbili, pia fainali za Klabu Bingwa ya Dunia, achilia mbali hii michuano ya klabu Afrika,” alisema Dewji aliyewataka Watanzania kuendelea kuwaunga mkono wawakilishi hao wa taifa.

Katika mchezo wa kwanza mwishoni mwa wiki iliyopita jijini Dar es Salaam, timu hizo hazikufungana, hivyo kuzifanya timu zote kuwa na nafasi ya kusonga mbele hatua ya nusu fainali, matokeo ya mwishoni mwa wiki yakiwa mwamuzi wa mwisho.

Msafara wa Simba utajumuisha mashabiki wa timu hiyo ambao wameendelea kukamilisha taratibu za safari hiyo

Msemaji wa Simba Haji Manara amesema wataondoka Ijumaa asubuhi na timu itarejea jijini Dar es salaam Jumamosi jioni baada ya mchezo

“Tutakwenda kibabe DR Congo na tutaondoka na kundi la mashabiki wetu na tutaishangaza Afrika Jumamosi ijayo, Ndege itaondoka asubuhi ya Ijumaa Aprili 12, 2019 na itarejea nchini Jumamosi jioni mara tu baada ya mchezo huo,” amesema Manara

Baada ya kulazimishwa suluhu ya bila kufungana kwenye mchezo uliopigwa uwanja wa Taifa, Simba inahitaji kushinda au hata kupata matokeo ya sare ya mabao ili iweze kusonga mbele

Mkufunzi wa Simba Patrick Aussems amesema wanayo nafasi ya kupata matokeo ugenini na kutinga nusu fainali ya michuano hiyo mikubwa barani Afrika kwa ngazi ya vilabu

Wawa alipata majeraha ya kifundo cha mguu kwenye mchezo wa kwanza uliopigwa uwanja wa Taifa ambao ulimalizika kwa suluhu ya bila kufungana

Uongozi wa Simba umethibitisha kuwa Wawa atakaa nje kwa wiki moja

Wawa hatajumuishwa kwenye kikosi cha Simba kitakachoondoka Alfajiri ya kesho kuelekea Lubumbashi

Tuzo ya mchezaji bora ilichukuliwa na nahodha John Bocco wakati ya kocha bora ilichukuliwa na Patrick Aussems

Wote wamekabidhiwa kitita cha Tsh Milioni moja pamoja na Ngao Maalum ya utambulisho

Aussems ambaye msimu huu amevuka malengo kwa kuipeleka Simba robo fainali, amesema baada ya mchezo wa kwanza dhidi ya TP Mazmebe kumalizika kwa suluhu ya bila kufungana, anaamini mchezo wa marudiano utakaopigwa April 13 Simba ina nafasi ya kushinda kama ilivyo kwa wapinzani wao TP Mazembe

“Katika historia yangu ya soka na timu ambazo nimewahi kufundisha, nilizivusha hatua ya robo fainali, ndio maana sina hofu na hili kwa uwezo wa Mungu tutafanikiwa,” amesema.

Aussems amesema anatambua ni makosa madogo waliyoyafanya katika mchezo wa kwanza na kwamba amejipanga kikamilifu kukabiliana na mchezo huo.

“Natambua kuwa Watanzania na mashabiki wa Simba walikuwa na hofu pengine tungefungwa mabao mengi na TP Mazembe katika mchezo uliopita, lakini wameshuhudia namna tulivyopambana, sidhani kama tunaweza kushindwa mchezo wa marudiano.

“Pengine hofu kubwa ni kwa sababu tutakuwa ugenini, mimi naamini kuwa mpira ni dakika 90, hata tuwe wapi ni plani yangu na juhudi za wachezaji ndizo zitakazoleta matokeo mazuri,” alisema Aussems.

Mtendaji Mkuu wa Bodi ya Ligi Boniface Wambura amesema mchezo huo umeahirishwa kutokana na Simba kukabiliwa na mchezo huo muhimu wa marudiano robo fainali ya ligi ya mabingwa

Simba sasa itachuana na Biashara baada ya kumalizana na TP Mazembe April 13 2019

Wekundu wa Msimbazi wameendelea na mazoezi kwenye uwanja wa Boko Veterans kujiandaa na mchezo huo utakaopigwa Lubumbashi, DR Congo